Der Rheinmeistereid

Zur Datierung: 1445 (?) (1434-1445, vor 1462)

[01] Der Rynmeister eyd
[02] Item daz sie jn irme jare die almende zinse vnd sost die zinse
[03] von den Graben vnd den Dubenthorn gentzlich vnd alle zu male
[04] jnzufurd(er)n vnd furt(er) in die rechenu(n)ge entwurten sollent worde(n)
[05] yen aber eyn erbe / odir eyn zinß flecke jn irme jare uffgesaget vnd
[06] daz keyn zinß jn irme jare davon gefallen w(er)e / daz sollent sie
[07] von stunt dem raide sagen vnd ir rechenuge daruff machen
[08] also daz der stad gemeyn rechenuge davon recht beschee.
[09] Jtem sollent sie bestellen das daz bornholtze an dem Ryne gerumlich
[10] nach noitdorfft vnd gelegenheit von d(er) stad rinckmure(n) sall gelacht
[11] werden vnd an solich stedte vnd ende als daz von alters herkomen
[12] ist ane alle geverde.
[13] Auch sollent sie d(er) stad ringmure jnnewenig vnd ußwendig fryhe halten vnd
[14] nymands gestaden daz man myste holtze steyn odir anderst dar an slage odir
[15] lege daz die stad ringmure sulte odir ir sost schedelich w(er)e ane alleß gev(er)de.