Notula vo(n) des kolen vngelts wege(n)

[01] Wir die burgermeister vnd raid der staid Mencze bekennen vnd dun kunt aller-
[02] men(n)icliche jn diesem brieffe so als etliche jare biß her von eyme jglichen sack kolen
[03] so jn vns(er)e staid vnd burgmanne von uns(er)n kolenmutt(er)n gemessen worden ist
[04] drij h(e)l(e)r von den fromden / der die kolen waren gefallen sint. Von den selbin drien
[05] h(e)l(e)rn dan etliche jare biß her vns(er)n kolenmutt(er)n zwene h(e)l(e)r worden sint vor jre
[06] arbeid vnd der staid der dritte heller. Vnd als wir nu forters vns(er)n kolenmutt(er)n
[07] so ye zu zijden sint nit me wollen laißen fallen vnd werden dan eyn h(e)l(e)r von
[08] eyme jglichen sackkolen den sie messent vnd vns vnd der staid die ubirgen
[09] zwene h(e)l(e)r behalten oder verschaffen / so wie vns dann daz duncket vor vns vnd
[10] die staid zu(m) besten bestellen / vnd vorzunemen sin. Vnd also han wir von den
[11] obges(chrebene)n zweyn h)e)l(e)rn die vns vnd vns(er)e staid nu forters fallen vnd werden sollent
[12] eyn h(e)l(e)r off / Johannes Henne Fustgis son des kremers vnd Greden siner elichen
[13] husfrauwen Henne Grans seligen dochter / beyder leptage gantze uß verschafft
[14] vnd verkeufft gehabt also bescheideliche daz die vorg(e)n(ann)t(en) zwey eliche lude
[15] jr beider leptage vnd nit lenger den eyn h(e)l(e)r von vns(er)n obges(chrebene)n zweyn hellern
[16] so vns nu forters von jglichem sackkolen der bij vns gemessen wurdet als
[17] vorgeschreben stet jnneme(n) vnd offhieben sollent / Vnd ob sie den nit selbist
[18] off hieben wollten / so mogent sie beynde oder daz leste lebendige vnder yen zweyn
[19] nach tode des andern(n) solichen obges(chrebene)n h(e)l(e)r bestellen / daz der von jrenwegen geford(er)t
[20] vnd offgehaben werde / vnd vm(m)be solichen heller den wir also den vorg(e)n(ann)ten
[21] zweyn elichin luden jr beider leptage vnd nit lenger verschafft vnd verkaufft
[22] han. Darvm(m)be hant sie vns eynen versiegelten brieffe obir sechßvndzwenczig
[23] gulden lipged(ing) gulten sprechende dorchtedig widder geben / die da gestande(n) sint
[24] off des vorg(e)n(annte)n Gredig(en) leptage vnd darzu sechtzig gulden an golde / die jn
[25] vns(er)e staid gemeyne rechenu(n)ge kom(m)en vnd gefallen sint / der wir vns auch
[26] guter beczalunge von den obg(e)n(annte)n zweyn elude erkenne(n) / vor datum dieß brieffs.
[27] Wir sollen vnd wollen auch die obgen(ann)t(en) eliche lude bij diesse(n) vorgeschreben
[28] verkauffte(n) h(e)l(e)r hanthabe(n) vnd behalten vngeverliche. Wereß auch das die
[29] obg(e)n(ann)t(en) zwey eliche lude vnd jr jglichs besunder nach tode des andern mit vns
[30] oder den vns(er)n oder sost mit fromden luden obir korcze oder lang von dieß kauffs
[31] vnd verkauffs wegin diesse obges(chrebe)n rente / antreffende / oder daselbist her rorende
[32] spennig vnd zweyschillig worden jn welichin weg daz zuginge / der selben spenne
[33] vnd zwey schillikeit sollent sie beide vnd jr jglichs besunder nach tode des and(er)n
[34] gentzliche vnd altzumale / an vns verliben ane jnnedraig vnd wiedderspreche(n).
[35] Vnd wie wir der raid sie alsdan darvm(m)be riechte(n) vnd entscheiden werden / das
[36] sollent sie da bij bliben laißen / vnd dem also nach gene vnd follenfuren vßgescheide(n)
[37] alleß argeliste vnd geverde / Wereß auch daz wir odir die vns(er)n den dan bekome(n)t
[38] den kolenmarte zu bestellen den nit bestellen mochten / mit erbern reddelichin muttern
[39] vngev(er)lich die von jgliche(n) sack kolen zu meße(n) wie vorgeschrebe(n) stet vor jr arbeid
[40] eyn h(e)l(e)r zu lone neme(n) wolten alsdan so sollent die obg(e)n(annt(en) zwey eliche lude mutte(r)n
[41] bestellen ane vns(er)e oder der vns(er)n schaden den dann bekome(n)t den kolenmarte zu bestellen
[42] off soliche(n) vorges(chrebene)n lone / dorch die dan der kolenmarte mit bestellikeid erbercliche
[43] versorget worde vßgescheiden alleß argeliste vnd geverde / Vnd diesser dinge wie
[44] vorges(chriebe)n stet zu orkonde so geben wir den vorg(e)n(ann)t(en) zweyn elichin luden Joh(ann)es
[45] vnd Gredichin daroff diessen brieffe versiegelt mit vns(er)e staid jnges(ieg)e ad
[46] causas off den nehisten Sontag nach vns(er)s h(er)ren Lichams dag anno [14]33.